影片
更多
2020-02-14
37 瀏覽
行過元朗千色店見到這一間媽咪雞蛋仔, 頓時吸引了我的眼球, 即刻同朋友每人買一底試下. 依家好多雞蛋仔都係即叫即整, 但係最驚嘅就係人一多有時真係要等成三四個字, 其實我哋買嗰陣已經前面有三幾個人, 好彩我見入面啲雞蛋機都多, 應該唔會等好耐. 果然不出十分鐘就已經到我哋, 速度唔算差. 今次喺茫茫雞蛋仔種類裡, 揀咗班蘭朱古力同埋香蕉朱古力, 因為唔係好多地方有斑蘭呢一隻味道, 加上我本身都好鍾意食斑蘭千層糕, 所以一定要試. 仲有在加嘢飲減4蚊, 我呢個抹茶控絕對會叫. 我叫咗個抹茶牛乳而我朋友叫咗個限定紫薯牛乳. 好啦先講佢嘅雞蛋仔, 由於我就唔係咁鍾意食脆嘅, 所以我通常都會焗佢一陣, 裏面好柔軟及厚料, 加埋朱古力醬, 但又唔算太甜. 不過如果真係想食斑蘭味道嘅話就建議唔好加朱古力, 因為朱古力濃味會蓋過原本雞蛋仔嘅味道, 我朋友食咗香蕉朱古力味, 香蕉味就比較濃, 加埋朱古力一樣咁正. 至於抹茶牛乳, 可媲美出面甚至好味過台式飲品店, 抹茶香又濃, 喺日本飲到嗰啲. 至於我朋友話個紫薯牛乳都好特別, 好好飲. 經過呢個朋友可以試下, 價錢都幾合理.
張貼
