憶江南 (已結業)

:最近朋友約我去鯉景灣飯局， 企係一間叫憶江南的門口， 裝修幾中國化，仲好新，環境骨緻整潔，朋友話訂咗枱，原來人未齊，仲以為去錯地方。帶我地嚟的朋友先行點了一D佢推介嘅餸，有 鰂魚湯， 京燒羊肉，松花豆腐，清炒翡翠， 之後由店員介紹，就order了干燒魚加 花卷，再點了担担麫(要超辣個隻)同埋嫩雞煨麫。D餸好好味，菜式同出面一般食店不同。清炒翡翠好特別，個樣似瓜原來係菜梗，店員話叫窩筍，好清爽，好味 個鰂魚湯好甜唔鯹, 拍得住阿媽的水準 令我最回味係干燒魚，味道好濃但係唔膩，少少辣， 好正 ！ 埋單每人大約$140，我覺得唔算貴，值得再嚟。遲D要帶阿媽嚟試下個湯，包佢話好飲。