莆田 (已結業)

最近朋友都推介「莆田」，唔講唔知原來莆田係福建省嘅其中一個地方市，而呢家店正是主打閩菜。單看佢Tiffany blue光亮嘅門面，呢家店又多咗一分摩登同性格，對呢個地方可能多咗一種特別印象。翻看餐牌，樣樣菜式都想一試。其中一樣係「九轉小腸」。佢係用特級豬腸，以「九摺式」穿套法配上12種香料鹵汁，食落去好爽口彈牙，好有肉感！另一個必食嘅係冰浸涼瓜，塊瓜片得好薄好薄，透晒底咁，而且每條大細都平均。怕苦嘅人可以點下啲蜜糖，個人就喜歡凈食，苦中帶甘，尤其爽脆！百秒黃花魚呢味菜完全係一個gimmick, 係咪分零鐘內整熟一條魚確實值得相榷，不過條魚好嫩滑，但燉到啲骨都軟散晒，要小心食莆田鹵麵呢係一款好講究嘅主食，有自家調配嘅白鹵汁加麵筋同濃湯，材料都好豐富，有蝦、蜆、豬肉絲等，飲落啲湯比較杰稠，濃郁，料足每啖麵都好鮮香。最近蟶子當造，呢家餐館引入新鮮食材加入食譜，花雕蒸蟶子都係第一次食。蟶子塞滿喺一個盅度，蟶子肉全都吸晒啲花雕酒味，吃一口滿是鮮甜嘅花雕汁味~呢度嘅食物份量偏少，3個人食咗5樣都仲係肚餓，所以嗌埋「蝦苗伴頭水紫菜」同「莆田蒸豆腐」。「頭水紫菜」係每年首次收割嘅紫菜，配埋小蝦米同香醋