夏捌月 (已結業)

之前同老公黎過呢度食個蟹肉蟹膏飯，自此就念念不忘喇，所以今日再黎食過。夏捌月嘅位置唔顯眼，但其實佢交通幾方便，就喺朗屏西鐵站旁邊嗰條天橋下面。門口裝修幾靚精緻，小清新，入到去環境舒服，有好多裝飾物，明顯睇得出老闆用心佈置。酥皮忌廉湯酥，個皮傳黎陣陣嘅牛油香味。外層鬆脆，內裏軟熟。而忌廉湯味道適中，唔會偏淡，裏面有dd煙肉粒同埋粟米粒,有d野咬下。蟹肉蟹膏意大利飯釀大野菇蟹膏蟹膏份量非常多，金黃色嘅意大利飯 賣相非常吸引。每粒意大利飯都俾蟹膏包住左，啖啖都有蟹膏嘅香味，香氣濃烈。而飯亦好煙韌，好味。成個飯份量好似唔多，但由於蟹膏量多，食三啖已經開始飽。煎自家煙燻三文魚伴日本元貝果醬汁賣相好靚，明顯見到有比心機製作。三文魚扒四邊煎到金黃色，外皮脆脆地，內裏鬆軟，肉質好juicy。味道本身帶少少甜，唔會鹹，再配埋個果醬汁，酸酸地，甜甜地，非常開胃。粒大元貝都幾清甜爽口，而下面係一個用南瓜同甘旬做出黎嘅南瓜蓉，清新香甜，減少左之前食意大利飯嘅飽濟感。最後，姐姐話fb讚好就送雪糕，我以為係普通雪糕，所以都冇乜期望。但真心想讚下呢間餐廳d野好好食，於是都有讚好。點知黎嘅竟然係......真心好驚喜