大川滬 (已結業)

係中菜黎講小妹一直最鍾意上海菜，而主打上海菜既選擇唔多，質素亦比較參差。九龍區來講，小妹最鍾意就係落戶土瓜灣多年既「大川滬」，除咗佢哋馳名嘅撚手「午夜小籠包」🤤🤤之外，其他食物質素有保證，價錢合理，服務亦誠懇，加上最無敵嘅就係佢哋引以為傲嘅「室外坐位」😍除咗吸引到一班鍾意邊食嘢邊呼吸嘅朋友之外，仲可以同自己心愛嘅毛孩🐶一齊食好西～ 好景不常，佢地係7月嗰陣比個無良心業主逼遷🥺，當時啲老街坊同埋熟客十分不捨，老闆亦希望搵到合適嘅新舖之後東山再起，唯有一直耐心等待…好彩見到佢哋社交平台 話佢哋終於擇鋪重開！新舖係中港城，泊車方便（而家消費$300有三個鐘免費泊車）舖面又大左又光猛左，有卡位，裝修仲精細又舒服…野食方面keep到水準…menu多咗啲變化，Po 上影左既野食係分別兩日去幫襯影既…主菜推介小籠包、生煎包、茄子🍆、黃金蝦🍤、紅燒肉，口水雞… 甜品方面就一定要試桂花糕同高力豆沙🤤補充：1）樓面暫時唔係好夠人，要多少少耐性2）下個月開始可能會有露天座位😍😍😍（極期待）！3）見到有啲位置仲補修緊，大家可能要忍讓一下