龍井 (已結業)

今次去吃大閘蟹放題，大閘蟹好新鮮大細適中，上年我們去尖沙咀東海吃，無比較就無痛苦，今次龍井真心覺得仲好食又抵食過酒樓，雖然每次落單都係來一只，但我反而覺得咁樣可以趁熱食仲好啊！即使再叫下一轉也只是等2-3分鐘就端上枱了，不明白之前有人因為咁寫負評是什麼心態🙄而且店員和老闆服務態度非常良好，尤其係哥哥仔，不斷留意我們是否需要添加薑茶，感覺龍井很有心機做，希望大家親身去感受一下再評價，不要人云亦云，另一驚喜是之前無留意原來經open rice訂位有串燒送，食食下蟹店員突然捧咗一大盤串燒送給我們，其實佢唔送我哋都唔知有串燒送，串燒味道很好，啲肉燒到好滑味道很好，值得推介！蟹粥也是蟹肉份量十足，粥底軟棉棉，又係另一傑作，總結我們一行四人都吃得很開心，會推介身邊人光顧。