泰Grill (享和街)

又係荃灣搵下好野食 。夏日炎炎有d 掛住泰國🇹🇭，所以直接衝入去食泰國野😂串燒3串串燒分別都叫左雞、牛、豬 。燒得香口，雞肉有d仲連到啲雞軟骨位，咬落勁脆口 。另外，牛肉同豬肉都好軟腍，唔靭同唔駛趙好耐，點埋佢地個花生醬就絕配😆泰式酸辣魷魚🦑魷魚爽口彈牙一啲都唔靭，煮得恰到好處👍🏻佢個泰式酸辣汁好似冬陰功湯咁，直頭當湯飲都唔咸，唔太酸又唔太辣 。味道絕對岩岩好 。值得一試 。蛋包虎蝦炒金邊粉整碟賣相吸引，煎左個網狀蛋係面，另外佢地用左大大隻既虎蝦，爽口彈牙 。金邊粉炒到好有獲氣好乾身 。大大碟，食完都已經飽左一半 。椰汁冰椰奶清甜解辣，叫左小甜小冰，覺得啱啱好👍🏻有啲清熱消暑嘅感覺😌泰式沙冰🍧一樣好似泰式奶茶咁，因為沙冰既關係唔會太甜，而且勁冰凍，絕對岩晒咁熱既天氣！芒果糯米飯🥭佢地用鴛鴦米，一邊係紫米一邊係糯米 。心心造型擺盤好有心思 。紫米比較有咬口，每一下咀嚼就更香，仲要係熱辣辣架！芒果而家當造，更加香甜 。呢個好正👍🏻佢地而家做緊啤酒買一送一添，可惜無叫到 。得閒經過可以飲2杯🍻