富泰燒烤樂園

營業中

休息中

嚟咗好多次，特別要贊下D職員，服務態度良好。地方好寬敞，唔會話爐貼爐咁。個場都好大，可以選有蓋同無蓋位置。某D有蓋位置仲有電視睇。BBQ唔限時間，價錢只是HKD75加開爐費HKD20，同朋友傾偈真係一流。呢度仲有麻雀租，真係切合不同需要。對我來說，最重要係可以帶我的愛犬入場食物方面，熟食有粥同炒麵，D粥好綿，炒麵都好夠味架！燒烤食物都算好齊全：肉類：豬扒、牛扒、雞扒、雞全翼、雞中翼、金沙骨、叉燒粒…丸類：牛丸、墨丸、燒賣、腸仔、芝士腸、紅腸…雜項：蕃薯、粟米、豆卜、咖喱條、咖喱尤魚、麵包…飲品包一支水同一款飲品。備註：唯一一樣值得改善嘅係蜜糖，仲稀過飲嗰D蜜糖水，我每次去都會自備兩樽。蕃薯無錫紙架，俾錢買好似HKD1/張。