影片
更多
2023-01-09
1052 瀏覽
今日專登搵咗間餐廳慶祝我哋嘅結婚周年，呢一間位於尖沙咀嘅樓上舖頭，景觀開陽， 必食鐵板燒。前菜係一個開胃嘅沙律，有新鮮嘅沙律菜，厚厚嘅蟹柳，仲有有小舊芝士三文魚。之後飲左碗花膠鯛魚濃湯，呢個屬於餐廳嘅新品之作，原片花膠放在碗底，魚味極極濃。海鮮方面有中南非鮑魚配蟹黃面豉汁，鮑魚超大隻，食落爽口彈牙，一啲腥味都冇，仲有一片爽脆的黃瓜伴碟。另一道銀鱈魚配蕃茄乾都好好食，銀鱈魚煎得剛剛好，唔會煎得太熟影響魚的質感，而且魚片更煎得香脆可口。最後更加有北海道帆立貝配檸檬味噌醬，帶子好爽口新鮮，上面放有新鮮魚子。師傅用咗自家製嘅檸檬味噌醬，味道酸酸甜甜，超級開胃。主食肉類有美國西冷，首先食薄切牛，廚師將切得薄薄的牛肉燒到五成熟，我個人感覺岩岩好，唔會太熟，肉質非常鮮嫩。餐廳特別之處，牛肉包住牛蒡同昆布，再點埋Wasabi，幾樣野加埋十分之夾。 之後再食厚切，師傅將肉同根位分開，肉位燒五成熟，肉質斬林唔韌，點上岩鹽更加帶出牛味。另外師傅更加爆香牛嘅根位，方便食客送上啤酒和其他酒類，非常貼心。當然唔少得櫻花蝦高菜漬炒飯，炒飯唔會太油，好乾身，配上粒粒葱同櫻花蝦，最後再放上一隻半熟荷包蛋，特色得來亦不失
前菜係一個開胃嘅沙律，有新鮮嘅沙律菜，厚厚嘅蟹柳，仲有有小舊芝士三文魚。
之後飲左碗花膠鯛魚濃湯，呢個屬於餐廳嘅新品之作，原片花膠放在碗底，魚味極極濃。
海鮮方面有中南非鮑魚配蟹黃面豉汁，鮑魚超大隻，食落爽口彈牙，一啲腥味都冇，仲有一片爽脆的黃瓜伴碟。另一道銀鱈魚配蕃茄乾都好好食，銀鱈魚煎得剛剛好，唔會煎得太熟影響魚的質感，而且魚片更煎得香脆可口。最後更加有北海道帆立貝配檸檬味噌醬，帶子好爽口新鮮，上面放有新鮮魚子。師傅用咗自家製嘅檸檬味噌醬，味道酸酸甜甜，超級開胃。
主食肉類有美國西冷，首先食薄切牛，廚師將切得薄薄的牛肉燒到五成熟，我個人感覺岩岩好，唔會太熟，肉質非常鮮嫩。餐廳特別之處，牛肉包住牛蒡同昆布，再點埋Wasabi，幾樣野加埋十分之夾。 之後再食厚切，師傅將肉同根位分開，肉位燒五成熟，肉質斬林唔韌，點上岩鹽更加帶出牛味。另外師傅更加爆香牛嘅根位，方便食客送上啤酒和其他酒類，非常貼心。
當然唔少得櫻花蝦高菜漬炒飯，炒飯唔會太油，好乾身，配上粒粒葱同櫻花蝦，最後再放上一隻半熟荷包蛋，特色得來亦不失傳統風味。
食咗咁多海鮮，同埋肉類，梗係要食返啲菜中和下啦。師傅的炒雜菜以芽菜作主菜，配上椰菜絲同紅蘿蔔絲，香味可口。
最後嚟多個甜品做個完美收尾，焦糖香蕉配奶凍。奶凍係師傅自己親手整嘅，職員提醒要食咗奶凍先之後先至食香蕉，咁樣香蕉嘅甜味就唔會蓋過奶凍。
張貼
