太郎居酒屋

營業中

休息中

今日係尖沙咀附近閒逛，食飯時間就黎到呢間太郎居酒屋。餐廳環境唔錯，典型居酒屋格局。我地先叫左一個刺身盛合，入面有池魚、油甘魚、劍魚腩、三文魚、蝦同海膽。刺身本身好鮮味，而且切得好厚身，劍魚腩同油甘魚食落質感好好，而且充滿魚油香味，另外海膽好鮮甜，而且份量好足，夾埋紫菜一齊食就最正。之後我地叫左海膽卷，大大舊卷物再配埋一大舊海膽，海膽既鮮味加上卷物真係一流既享受。最後上枱既係壽喜燒，食完刺身再食番D熱野真係好舒服。壽喜燒好足料，蔬菜、牛肉、豆腐，配埋唔會太濃味既湯底，再點一點蛋汁黎食真係一流，可以話係最好既結尾。最後一讚餐廳今次佢安排左一個比較靜既位比我地，有屏風分隔開，最適合想一路食野想一路靜靜地傾計既朋友仔。