影片
更多
2020-08-19
958 瀏覽
唔記得點知呢間舖，但見openrice上好評如潮，總想一試。同朋友喺附近食完晏，已經全飽。過見近近地，平時又冇乜機會去太子，飽就飽D，去見識下喇。到埗大概2:00未夠，唔使等位，搭咗另一食客嘅枱，限聚令下兩個人已經坐滿一枱。點咗淨麵同兩粒鯪魚球。麵到，飲啖湯先。咦？唔係大地魚味嘅？諗咗一陣，哦，應該係羅漢果味(唔知啱唔啱)，都幾有新鮮感，味夾唔夾就見仁見智。如果我早知係呢個湯，會改叫撈麵。啲麵非常ok。三扒兩撥食完，D湯冇飲哂，唔係唔好飲，係唔夠熱，同埋太飽。鯪魚球到。唔係幾鍾意外面嗰層粉仔，雖然唔厚，但最好係冇。魚肉稍嫌唔夠彈口，但熱度十足。最令人驚喜嘅魚肉中好似加咗檸檬葉，呢個配搭冇得頂。雖然只有兩粒，但係都食剩一粒 ………… 真係太飽嘞。埋單$38，計淨麵$18，鯪魚球$20。價錢大眾化，物超所值。👍。下次帶個空肚去，試多幾樣。
同朋友喺附近食完晏，已經全飽。過見近近地，平時又冇乜機會去太子，飽就飽D，去見識下喇。
到埗大概2:00未夠，唔使等位，搭咗另一食客嘅枱，限聚令下兩個人已經坐滿一枱。
點咗淨麵同兩粒鯪魚球。
麵到，飲啖湯先。咦？唔係大地魚味嘅？諗咗一陣，哦，應該係羅漢果味(唔知啱唔啱)，都幾有新鮮感，味夾唔夾就見仁見智。如果我早知係呢個湯，會改叫撈麵。啲麵非常ok。三扒兩撥食完，D湯冇飲哂，唔係唔好飲，係唔夠熱，同埋太飽。
鯪魚球到。唔係幾鍾意外面嗰層粉仔，雖然唔厚，但最好係冇。魚肉稍嫌唔夠彈口，但熱度十足。最令人驚喜嘅魚肉中好似加咗檸檬葉，呢個配搭冇得頂。雖然只有兩粒，但係都食剩一粒 ………… 真係太飽嘞。
埋單$38，計淨麵$18，鯪魚球$20。價錢大眾化，物超所值。👍。下次帶個空肚去，試多幾樣。
張貼