馬記牛什粉麵

營業中

休息中

昨日中午行過，唔想去商場食連鎖餐。一入去，舖頭細細比較暗的，牆上貼滿好多自家特色小食，有蝦棗、蘿蔔餅、蓮藕餅、潮州滷水鵝等等，就知道自己冇揀錯。我叫左牛坑腩米粉、炸蝦棗，老公叫左肥牛河。牛坑腩好腍，米粉係比較幼，像銀絲米粉個種，個人鍾意呢種米粉 ，牛坑腩好多舊，等於九龍城食的double 份量，米粉就細細個，湯底濃郁。講真37蚊，咁的份量質素超班。老公就叫錯了，37蚊碗肥牛就梗係唔係靚肥牛，黎呢度都係食牛雜牛腩。蝦棗食唔出有蝦，但炸得好鬆脆，唔油，下次要試其他小食。埋單時老闆多謝前多謝後，睇得出緊張自己生意，總體來講，是值得支持的街坊小店呀。