影片
更多
2017-03-21
1043 瀏覽
2017年3月18日，係我人生一個十分重要嘅日子，難得咁高興，決定請細妹同朋友去薩利亞開餐！第四次幫襯薩利亞，但就第一次嚟呢間分店，唔係太易搵，因隱藏喺大廈內。去到現場，有條人龍等緊位，我哋一行五人，俾兩個人好(因兩人位唔多)，眼見裡面座位唔多，空間寬敞，通道闊落，坐得舒服，但總感覺有啲浪費！我哋等咗約十分鐘，最後獲分配到一個足夠坐十個人嘅卡位！座位呈U型，難入亦難出(要爬入去咁滯！)，但真係好闊落，瞓喺度食都得！唔駛睇Menu,我已鎖定白汁雞肉菠菜同甜蝦沙律，其他由細妹同朋友叫，另加自助餐飲五位！白汁雞肉菠菜真係超正！白汁味道鮮味，雞肉配菠菜感覺perfect match！我superlike！特登叫咗兩碟，一碟私有化！甜蝦沙律依舊保持水準，甜蝦新鮮香甜，蔬菜新鮮爽脆！另加一碟菠蘿沙律，同樣新鮮！但建議將啲沙律醬分開上，因店員好重手，好多汁，感覺有啲heavy,不過幾好味！朋友介紹下第一次試青醬意粉，唔知乜嘢嚟？但有啲白汁feel,意粉質感ok,我食咗都幾多，撈茄汁食！腸仔亦第一次試，一上枱第一感覺表層有啲燶，但食落去表皮脆卜卜，裡面柔軟，味道傾向似雞肉腸，點茄汁，好味！薯角都熱辣辣
第四次幫襯薩利亞，但就第一次嚟呢間分店，唔係太易搵，因隱藏喺大廈內。
去到現場，有條人龍等緊位，我哋一行五人，俾兩個人好(因兩人位唔多)，眼見裡面座位唔多，空間寬敞，通道闊落，坐得舒服，但總感覺有啲浪費！
我哋等咗約十分鐘，最後獲分配到一個足夠坐十個人嘅卡位！座位呈U型，難入亦難出(要爬入去咁滯！)，但真係好闊落，瞓喺度食都得！
唔駛睇Menu,我已鎖定白汁雞肉菠菜同甜蝦沙律，其他由細妹同朋友叫，另加自助餐飲五位！
白汁雞肉菠菜真係超正！白汁味道鮮味，雞肉配菠菜感覺perfect match！我superlike！特登叫咗兩碟，一碟私有化！
甜蝦沙律依舊保持水準，甜蝦新鮮香甜，蔬菜新鮮爽脆！另加一碟菠蘿沙律，同樣新鮮！但建議將啲沙律醬分開上，因店員好重手，好多汁，感覺有啲heavy,不過幾好味！
朋友介紹下第一次試青醬意粉，唔知乜嘢嚟？但有啲白汁feel,意粉質感ok,我食咗都幾多，撈茄汁食！
腸仔亦第一次試，一上枱第一感覺表層有啲燶，但食落去表皮脆卜卜，裡面柔軟，味道傾向似雞肉腸，點茄汁，好味！
薯角都熱辣辣，同樣點茄汁冇得輸！
三文魚餅同雞翼係細妹每次必點，唔食唔安樂，因為真係好惹味！
飲品方面，$12任飲，真係抵到冇朋友！我諗咗凍檸檬茶，要一半茶一半水，因為好甜！熱朱古力，好香濃好好飲，同麥當勞嘅熱朱古力一樣味！熱美祿，都好飲，但冇熱朱古力咁香濃！
食咗成個鐘，最後剩返兩件蒜蓉包問侍應攞張錫紙帶走！
埋單$355，我請！食到飽飽，皆大歡喜！
張貼
