燒肉牛蔵 (已結業)

平日番工食晏，好多時都公式化，唔係食呢間，就係食果間，最多都係happy Friday 飲下茶或者食好少少。所以到左星期六日食晏都會食d少食既類別。而今日中午就去左Isquare開餐。呢度打正旗號食燒肉，不過原來除左燒肉，又有魚生飯，石鍋飯，鍋物同麵。前菜先有螺肉。極上一口牛肉定食 $89多數既燒牛肉都係逐碟叫逐碟食，而呢度就會跟埋白食麵豉湯，感覺幾抵食。一口牛肉一碟有八件，每件都幾大粒，由於都幾大粒，所以燒既時間都要預多少少。燒好既一口牛好香牛味，入口有嚼勁，基本上放少少鹽，唔需要加餐廳提供既醬汁已經好足夠。香蔥火炙三文魚親子丼 $89火炙三文魚半生熟 ，一面炙過，一面魚生，既有火炙香，又有魚生的口感，仲有好多三文魚籽，十分豐富既魚生飯，份量夠多，一碗已經好飽，仲有麵豉湯飲。日式牛肉鍋 $83牛肉鍋會跟埋白飯同麵豉湯，都幾豐富。鍋內既牛肉夠多，而且味道香濃，仲有雜菜，金菇，豆腐同埋粉絲等既食物，全部都入晒味，加少少湯用嚟餸飯一流。放假食晏有度好，坐低慢慢燒，慢慢食，完全唔駛趕，可以真正慢慢享受午餐。平時番工食晏，算把啦。