彩薈軒 (iSQUARE國際廣場)

營業中

休息中

尖沙咀既呢間彩薈軒，有靚景，點心價錢同質素都唔錯，仲有連續攞左幾年香港旅發局美食金獎，趁住禮拜六日放假同屋企人去飲個茶。朝早有早市三寶，$74自選三款點心，都幾抵食～ 1️⃣旋風黃金流沙包（$37） 係滿滿既流沙餡🤤鹹蛋黃起沙，啱啱蒸出黎要即刻食！  2⃣️芝心海皇千絲春卷（$43） 呢個好正！賣相靚，面頭比好多炸好既一絲絲包住，好脆！入面有流心既芝士同埋蝦肉。  3⃣️龍皇野菌腸（$39） 外面係腸粉，中間係炸過既脆脆既，最中心係菇類，好食！  4⃣️黑松露鳳眼餃+魚肚高湯鮮竹卷+濃湯鮮蝦水餃皇（$74） 早市三寶幾抵食，而且都幾多選擇。呢度既餃子類都唔錯，唔會太厚皮，同埋入面既餡料都夠。  5⃣️鮮蝦菜苗餃+特色鮮蝦長春卷+生煎菜肉包（$74） 菜苗餃好多菜！感覺健康啲，而且佢地既包法同出面有啲唔同，幾精緻😄長春卷都唔錯。菜肉包就淋左啲，個底煎得唔夠脆。  6⃣️珍珠糯米雞+䜴汁蒸鳳爪+䜴汁香芋蒸排骨（$74） 幾抵食～蒸點都唔錯。