影片
更多
2023-01-26
1490 瀏覽
每次想食海鮮就會去金山，皆因平靚正啲侍應叔叔又好招呼，老舖唯一缺點可能就係啲位比較逼，坐得冇咁舒服。因為冇大瀨尿蝦，所以今日揀咗食龍蝦，24蚊両西澳龍，上湯焗配伊麵底，啖啖肉好鮮味。我就最鍾意食佢嘅砵酒焗鱔球，好味又唔使吐骨，肉脆彈牙。另外嗌咗一份炒蟶子皇，啱啱好4隻一人一隻。老豆想食豆腐，嗌咗個海鮮豆腐煲，出面餐廳嗰啲，通常嗰啲所謂海鮮都係雪藏魚柳，魷魚，蝦仁仔，但金山嘅海鮮豆腐煲，則係用鮑片，桂花蚌，大蝦，帶子，十分足料。金山作為一間老牌食肆，懷舊菜式當然唔少，喺餐牌見到炸大腸同芝麻蝦餅（其實係傳統蝦多士）梗係要嗌啦，2樣都冇失望，大腸勁脆唔油，清晒啲肥膏薄切炸脆，蘸埋個甜酸汁配菠蘿食，好味！而個蝦多士爽身脆口，塊麵包完全冇油膩感，咬落去冇油，真係好考功夫。另外仲嗌咗個雞油豆苗，今日啲豆苗好嫩，食完好想encore，可惜已經嗌咗6樣嘢，又食唔到8樣，惟有唔encore個豆苗啦！以前去老舖食，臨尾一定會送綠豆沙，可惜疫情復業後就冇送糖水lu...佢個臭草綠豆沙真係好好食㗎，可惜……
因為冇大瀨尿蝦，所以今日揀咗食龍蝦，24蚊両西澳龍，上湯焗配伊麵底，啖啖肉好鮮味。我就最鍾意食佢嘅砵酒焗鱔球，好味又唔使吐骨，肉脆彈牙。另外嗌咗一份炒蟶子皇，啱啱好4隻一人一隻。
老豆想食豆腐，嗌咗個海鮮豆腐煲，出面餐廳嗰啲，通常嗰啲所謂海鮮都係雪藏魚柳，魷魚，蝦仁仔，但金山嘅海鮮豆腐煲，則係用鮑片，桂花蚌，大蝦，帶子，十分足料。
金山作為一間老牌食肆，懷舊菜式當然唔少，喺餐牌見到炸大腸同芝麻蝦餅（其實係傳統蝦多士）梗係要嗌啦，2樣都冇失望，大腸勁脆唔油，清晒啲肥膏薄切炸脆，蘸埋個甜酸汁配菠蘿食，好味！而個蝦多士爽身脆口，塊麵包完全冇油膩感，咬落去冇油，真係好考功夫。
另外仲嗌咗個雞油豆苗，今日啲豆苗好嫩，食完好想encore，可惜已經嗌咗6樣嘢，又食唔到8樣，惟有唔encore個豆苗啦！
以前去老舖食，臨尾一定會送綠豆沙，可惜疫情復業後就冇送糖水lu...佢個臭草綠豆沙真係好好食㗎，可惜……
上湯焗龍蝦
45 瀏覽
0 讚好
0 留言
砵酒焗鱔球
54 瀏覽
0 讚好
0 留言
海鮮豆腐煲
19 瀏覽
0 讚好
0 留言
芝麻蝦餅
36 瀏覽
0 讚好
0 留言
雞油炒豆苗
24 瀏覽
0 讚好
0 留言
張貼
