澳門丸記清湯腩王 (已搬遷) 新店位置

石門愈嚟愈多好野食🥰最重要就係價錢相宜，質素唔錯，日日食都仲得（講笑）🤣🤣不過間野又真係幾近我🤣加上屯馬線開通，石門站10秒就見到，係咪好方便呢🤩清湯牛腩飯😊$54老豆一食，就話好有昔日嘅味道😋牛腩唔肥但比平時好多間淋，同埋好重牛味。個湯好大陣蘿蔔味，唔會好似平時街外咁重味精味🥰仲有啲好入味好淋嘅蘿蔔🥰🥰沙薑雞米線 $52個雞係平時海南雞嗰啲，已經好入味唔係白烚。沙薑係另外一兜，唔係用街市買啲沙薑粉，係自己切自己溝，好有誠意，一雞兩味就係呢啲（講笑🤣）個湯係雞湯味😋，好香🥰呢啲雖然係好普通間間都有賣嘅菜式，但feel到佢嘅細節係用心做😊凍檸茶/凍奶茶各加$3聽聞創辦人嘅祖母後生嗰時，喺澳門嘅十月初五街推木頭車賣牛腩麵養家，家傳手藝依家已經傳到第3代啦，喺餐廳仲見到佢地拎過唔少獎🤩路過的話係值得比次機會。