鳳城酒家 (已搬遷) 新店位置

今日過海拜山,整完一朝之後,o黎o左呢度飲茶.去到時見到全間店黑晒,D人又坐o係門口,心諗唔係咁黑仔,居然停電,怪唔得隔鄰間酒樓咁多人!好彩等o左幾分鐘之後又有番電,於是便o係唔使等位情之下揀位坐!四個人叫燒賣,牛腸,竽角,蝦子柚皮,豆苗餃,糯米飯,腐皮海鮮卷,炸粉果,雞扎,牛肚同蓮蓉西米焗布甸.味道同水準只可算係一般.侍應效率極之快!呢頭食完碟點心,果頭已經收o左隻碟,前後唔超過20秒!不過都好抵食,因為大中小點都係九蚊!!