家嚐飯 (已結業)

今日去荃灣，經過昌寧商場，見到呢間主打健康美食嘅餐廳，咁岩唔想食得咁heavy，所以就入咗去食。叫咗個香草雜菌煙三文魚燴意粉。一上枱個樣幾靚，d三文魚裝飾到好似花嘅形狀。一叉起意粉，發現底下好多青椒絲，蔬菜絲望落真係超級健康。味道方面，可能因爲用咗健康d嘅煮法，會少鹽少油，所以食落去味道較淡，冇咩香草味，不過就太重青椒味，感覺成個意粉個味道都好青，我個人唔太鍾意食青椒，所以對它評價不太好。不過鍾意健康嘅朋友仔可以試試，因爲店鋪仲有紅米飯等嘅健康菜式。