12Noon (合和中心) (已結業)

朋友介紹的快餐店，以健康食物為主打，guilt free! 自助式自己係雪櫃拎，我就拎左雞肉火箭菜牛油果卷，蘋果薯仔沙律，椰子花生乳酪同一支紅菜頭蘿蔔汁。雞肉火箭菜牛油果卷牛油果香先聲奪人，又滑又香，一入口已經太好食，太唔捨得食！之後雞肉味先慢慢出，比較係似配料，用黎沾實牛油果蓉，牛油果先似主菜！好彩有四件！可以慢慢享受。蘋果薯仔沙律蘋果同薯仔都好爽脆，但其實我比較鍾意薯仔粉軟d！加左香草令成個沙律多左一層味道椰子花生乳酪椰子其實一向麻麻地，不過今次呢個又唔太抗拒，上面既朱古力粒好有趣，唔似朱古力但又係朱古力味（唔係亂講，你試過就知！）大合影P.S. 果汁超級好飲！想試晒😂