糙米家 (已結業)

烤雞肉溏心蛋沙律（$52）+熱檸茶 （跟餐加$4）個沙律勁大份，好多菜不特止，4件雞肉都又厚又大件，但略嫌雞肉有少少肥肉，如果係雞胸肉就更加好。個溏心蛋係加分位，真係勁流心，超好食。個人黎講都幾滿意個沙律，又好味又夠飽又健康，但如果個芝麻醬可以另上就更加好😋 間餐廳係番工附近，下次應該都會再黎食，因為沙律好多選擇都幾吸引，好想試埋其他！其他意見：餐廳設計幾有特色似咁cafe,中間有一張好大既圓桌，圓桌中間又有棵大樹，食客圍住圓桌坐，感覺幾green幾fresh。係窗邊有一張長桌，俾一人客坐，可以對住玻璃窗食，幾chill。我都係咁岩經過從玻璃窗見到d野食吾錯入黎。服務無咩大問題，侍應幾有禮貌，上菜都快。地理位置極方便，北角地鐘站一出對面就好。