一八六一廚房 (已結業)

今日去寶林探老人家，走嗰時經過寶林街市，見到有間新野開張，走去八卦下先，原本係Burger🍔＆Pizza🍕，再睇睇仲有ADB，舖頭細細都幾多選擇見佢哋放左d唔同顏色既漢堡包出嚟，都幾給吸睛，我就睇中個粉紅色既漢堡包，之後叫店員點餐啦，跟住個員工同我講，掃下QRCode就可以，想點就點，仲可以online付款或者點櫃檯支付俾佢都得，好方便喎，佢仲話叫我儲存返個網頁紀錄，下次可以先點餐，再約定時間攞都得，勁方便，讚之後我點左個他他脆魚柳漢堡包配薯條，個粉紅色漢堡包好鬆化，又唔會痴牙，好香口，一問之下，原來係老闆特別訂制既素漢堡包，魚柳金黃色又脆皮，中間唔會乾晒，好味，仲有生菜蕃茄紫洋蔥做配菜，配埋他他醬，超正，薯條有驚喜，除左粗薯條仲max左蕃薯條，店員話佢哋只用氣炸，會健康d，唔會咁多油，送埋烏龍茶都係58蚊總結：一間街市小食店而已，但食物質素就可比美高檔餐廳，素漢堡十氣炸薯條迎合健康飲食文化，隨時隨地online自助點餐，方便先進，店員有禮貌，難得的小店，我一定會再去，下次試Pizza先