愛家素食 (淘大商場) (已結業)

9月19日, 夜晚由將軍澳出番黎九龍灣~ 聽聞喺淘大有間幾特別嘅素食店, 果然好多人食~ 整間店舖都好快餐店feel, 排隊買飛再去攞食物, 連位都要自己搵, 但係舖面頗細令到好迫夾, 好彩我地等咗一陣就有位喇~::: 叉燒豆腐扒飯 + 凍檸茶::: $36 + $4叉燒做到味道真係好似真咁! 有蜜汁嘅味道, 雖然真係冇乜燒過, 但係表面都有少少燶~ 豆腐扒係煎過黎, 感覺非常清淡, 不過煎咗亦帶番出少少甘香味~ 除咗叉燒同豆腐之外, 底下仲有大量蔬菜, 有翠玉瓜, 蘿蔔咁~ 完全唔似快餐wor, 真係好似啱啱新鮮炒出黎, 配上健康嘅五色糙米飯, 整餐都十分健康~ 加$4就有凍檸茶, 十分超值~::: 奇妙醬三絲冷麵 + 南瓜湯::: $34要先讚南瓜湯十分香濃! 啖啖都係南瓜茸, 甜味自然無添加, 感覺良好!三絲冷麵主要有青瓜, 蘿蔔同芽菜 , 全部材料都切成幼絲, 睇得出係用心處理過~ 另外仲有少少海帶同芝麻作點綴. 冷麵醬清新帶麻油香, 濃杰適中又唔會過膩. 麵條夠凍而且柔軟, 份量亦頗多~ 雖然好齋但係好好味~ 而且好飽肚!可能比較少食素, 感覺呢間食物款式多又用心, 味道都好