The Hwaduk (已結業)

今日朋友請我來呢度食午餐，原來是利園二期對面的開平道入都尾，朋友告訴我呢度嘅Pizza及烤雞都係用意大利石爐做的，餐廳的廳面大約有1600平方呎，一梯一伙，裝修casual及舒適，朋友點了：1）藍苺子pizza - 貪佢味道可能比一般Pizza冇咁肥膩和味道清新，薄餅底係標榜用黑米粉做，餅底比較煙靱，果然不負我所望，藍妹只是用了新鮮的，所以不會太甜。2）香辣烤雞 - 雞皮烤得很香脆，雞皮的脂肪流失了很多，肉質嫩滑，香辣味是用了韓式的，其實都幾辣吓！非常好味！而且有很多件，不過對於小孩來說就可能太辣了，可以叫不辣的烤雞。最有趣是餐碟上面放了一隻小鋼夾及一支义，朋友告訴我食的時候是不需要用手的，很容易就可以撕去雞皮，撕散雞肉來食，而且夾得很穩！3）無酒精西班牙紅酒特飲 - 好飲！不過下次對於我來說要叫少甜。4）免費開胃小食 - 醃酸白蘿蔔粒，味道好似香港人舊式雲吞麵店入邊嗰啲咁嘅味，只是沒有紅蘿蔔。埋單$522。我專登影左廚房的落地玻璃窗透視到的意大利石烤爐。如果要食得健康，味道又要好，卻食厭了傳統的味道，這兒是一個好的選擇。