雲桂香米線專門店

營業中

休息中

今日行九龍灣突然想食米線又唔想食連鎖果間x仔，想換換口味， 找到雲桂香，呢個名經常係唔同地方出現近似，當然唔知係唔係同一間。坐地叫左兩碗米線同一個小食，一碗係酸辣小鍋米線配豬軟骨和腩肉，較幼身的米線口感硬度岩岩好，是我喜歡的硬度，豬軟骨炆得好入味又夠軟身，腩肉冇肥膏全瘦再加上簿切，呢種腩肉我先會食，湯底亦好濃郁，飲完唔口渴，另一碗係麻酸辣豬頸肉豬大腸小鍋紅薯粉，豬頸肉正常好難煮得唔好味，豬大腸都好入味，但略嫌太細塊可以厚切增加口感，小食叫了千層豬耳，非常推介，好好味，並不麻辣油浸豬耳，面是簡單黑醋蒜茸百耳，要心機疊去多層豬耳讓佢凝結再薄切一片片，不過小食都偏貴。