影片
更多
2023-08-11
114 瀏覽
好味餃子店 (葵芳)••••••••••••••••••••••••••••••✄( •8• )✄( •8• )✄( •8• )✄( •8• )♥️餐點：•雲耳椰菜湯肉餃 六隻$37•韭菜肉餃 六隻$37•麻辣豬耳 $28•自製豆漿 枝 $15•滋潤雪梨茶 杯 $8••••••••••••••••••••••••••••••♥️食評：細細個已經食過呢一間好味餃子店，喺葵芳開咗分店後再去食返兒時嘅味道！今次湯餃同煎餃都嗌咗嚟試吓，兩款都各有千秋！！湯餃叫咗雲耳椰菜餃，皮薄得來唔會穿，雲耳同椰菜煮完仍然好好口感，調味亦做得唔錯，啖啖肉幾滿足！價錢亦都好相宜，女仔食六隻可能都飽～煎餃個人最鍾意食就係韭菜餃，呢度嘅韭菜餃啲韭菜好新鮮好重韭菜味，相比湯餃，煎餃係相對點扁身一啲嘅餃，比起湯餃嘅皮會厚身少少，正因形狀扁，煎起上嚟外面好脆，點埋豉油等一齊食好美味～除咗餃子，呢度仲有唔同小食，今次試咗麻辣豬耳，豬耳夠爽，唔會有肥肉位，麻辣味啱啱好，可以一試。食完麻辣嘢，就可以飲佢哋嘅雪梨茶，雪梨茶入口雖然比較甜，但可一解麻辣味，幾啱夏天飲。豆漿一支都係$15幾平，唔會好甜，幾新鮮嘅感覺。呢度嘅飲品有杯裝同枝
••••••••••••••••••••••••••••••
✄( •8• )✄( •8• )✄( •8• )✄( •8• )
♥️餐點：
•雲耳椰菜湯肉餃 六隻$37
•韭菜肉餃 六隻$37
•麻辣豬耳 $28
•自製豆漿 枝 $15
•滋潤雪梨茶 杯 $8
••••••••••••••••••••••••••••••
♥️食評：
細細個已經食過呢一間好味餃子店，喺葵芳開咗分店後再去食返兒時嘅味道！今次湯餃同煎餃都嗌咗嚟試吓，兩款都各有千秋！！
湯餃叫咗雲耳椰菜餃，皮薄得來唔會穿，雲耳同椰菜煮完仍然好好口感，調味亦做得唔錯，啖啖肉幾滿足！價錢亦都好相宜，女仔食六隻可能都飽～
煎餃個人最鍾意食就係韭菜餃，呢度嘅韭菜餃啲韭菜好新鮮好重韭菜味，相比湯餃，煎餃係相對點扁身一啲嘅餃，比起湯餃嘅皮會厚身少少，正因形狀扁，煎起上嚟外面好脆，點埋豉油等一齊食好美味～
除咗餃子，呢度仲有唔同小食，今次試咗麻辣豬耳，豬耳夠爽，唔會有肥肉位，麻辣味啱啱好，可以一試。
食完麻辣嘢，就可以飲佢哋嘅雪梨茶，雪梨茶入口雖然比較甜，但可一解麻辣味，幾啱夏天飲。豆漿一支都係$15幾平，唔會好甜，幾新鮮嘅感覺。呢度嘅飲品有杯裝同枝裝揀，餃子種類幾合我心水，比起過於花巧嘅餃子，我比較鍾意食傳統款式嘅餃子！大家喺附近不妨嚟依度一試～
••••∩ ∩••••••••••••••∩ ∩•••••••••••••
✄( •ω• )♡( •8• )✄( •ω• )♡( •8• )✄
好味餃子店 (葵芳)
葵芳禮芳街15號葵福大廈地下8號舖
#cony去葵芳 #cony食餃子 #hkfoodie #餃子#好味餃子店
••••••••••••••••••••••••••••••
張貼
