尚興潮州海鮮飯店 (已結業)

聞名不如嚟食，終於約到一班人一齊食正宗潮州菜！究竟同一般打冷有咩分別呢？答案自己睇圖片😏❣️鵝腸拼鵝片，好足份量，啲鵝腸好入味，鵝片肥瘦適中，正！❣️凍蟹❣️蠔餅，夠香口，多蠔有蛋味，無乜漿我鍾意 ❣️大地魚炒芥蘭，有鑊氣 。❣️椒鹽九肚魚，唔多炸粉，好香口，冇乜細骨 。❣️蠔仔粥，啖啖蠔啲蠔仔都算大粒！❣️潮州醃蟹，潮州版醬油蟹，真係呢度先食到，唔腥唔臭，同韓國有得媲美 。❣️蝦棗蟹棗❣️綠豆爽❣️反沙芋，潮州名物，好少地方整得咁正宗好食 。今次呢餐飯，喺特別歡送兩個將會移民嘅朋友，所以去呢一間正宗潮州菜，都算好有紀念價值，希望佢哋一路順風，相信佢哋一定會會好掛住香港啲嘢食 。