鳳城酒家 (已結業)

冬至就決定黎依間酒樓食，因為聽身邊既朋友講依到既菜式，仲有d菜係要book定先有得食，冇book到架話係冇得食既。我就book左好出名既炸鮮奶同埋連蓉布甸，同埋講明先，因為佢係例牌，限左咁多人既份量，所以最好多d人去食就最好。首先我就比炸鮮奶同布甸比大家睇，雖然賣相可能唔好睇，但依個真係好好食。炸鮮奶，咬落去好脆口再加上凝固左既鮮奶，就咁聽好似好普通，但好食程度係你相象唔到。跟住個布甸，我就覺得好似甜得滯，個人覺得小朋友應該幾鍾意食。跟住我地都叫左四至五人餐，乳豬雙耕盤幾好食，但冇乜特別。其他都比大家睇下。蝦多士，下面既餅底好脆加埋蝦，依個都好好食，我都推介。但可能大家要其他分店到食了，以我所知太子依一間做到年尾就結業了，想試好食既順德菜，鳳城酒家都係一個唔錯既選擇。