樂口福酒家

營業中

休息中

九龍城個個都知小曼谷，但係其實潮州野都好多，打冷既有，傳統既都有。難得凍返少少，屋企人就提議去食潮州菜，飲啖茶。潮州菜相比粵菜好似冇咁多煮法，但係其實都幾好味。個日六點幾去到，唔洗等位，一坐底就有咸菜同功夫茶(即係濃普洱)，咸菜最啱就送粥，食下食下就好快食晒。其實睇menu佢話就話老店，但係都唔係一成不變，佢有傳統潮州菜，都仲有其他廣東菜，啱晒唔同人口味，難得黎到梗係試潮州野。潮州凍馬友 208元個menu其實冇，但係一入門口右邊已經擺好晒係到，個到賣春菜煲呀鹵水鵝呀凍魚同凍蟹……魚佢就跟重量賣，貴唔貴就見人見智，呢條208 我地四個人share都岩岩好，好多肉又唔多骨，魚本身有咸味，有鮮味同埋d肉唔會散，配埋普寧豆醬就啱啱好。滷水鵝片 68元個到有片有肉有頸，片就最岩我，啖啖都係肉。 鹵水汁固然係佢地命脈，果然冇令人失望，唔會太咸，又唔會太甜，雖然貴d 但是都值得食下。煎蠔餅 78元雖然話蠔餅係潮州菜必食，但是我覺得呢到好一般，d蠔唔夠新鮮，同埋煎得太燶。傳統潮州菜，都推介呢到嘅，菜式有一定水平，但價錢都唔平，不過好多外面搵唔到嘅菜式，佢地都會有。