金來越南粉

營業中

休息中

首先請老編更正，呢間鋪唔係響新葵興花園商場而係響葵涌道德昌大廈地下13號鋪，雖然話食越南菜但係越式食品唔多，淨係得越南春卷，不過都好多人叫而且係即炸，睇嚟唔會差。叫咗雞肉、札肉金邊粉（$21）加$3有西洋菜蜜，碗粉份嘢都算大但金邊粉似河粉多D又唔係好滑，雞肉其實係切雞，咁都算越式？個湯底話係牛肉湯但係幾淡無乜牛肉味，配菜得幾條芽菜，唯一特別係有D檸檬粒響D湯度，雖然唔夠特色但中午依然坐滿。大廈內同一條小巷就已經有三間食粉麵嘅店鋪，水準相差不遠而亦不乏捧場客，睇嚟只要價錢平就仍有得做。