蛇王兄小廚 (已結業)

見近排落雨，想食啲暖身嘅食物，途經呢度就search吓啲食評。睇到都覺得唔係伏就膽粗粗咁走入去食，見有個蛇羹A餐，包咗一個細蛇羹、細蛇湯同一個糯米飯，$140。佢比我食開嘅蛇王熙貴，但多咗個蛇湯，所以未食前都有啲期待。佢上菜速度都快嘅。先嚟蛇羹，佢蛇肉比例都多嘅，但湯底好重醬油嘅咸味，而唔係煲岀來嘅鮮味。而且要小心食，我自己就食到一條好細嘅蛇骨。之後我就試個湯，比我想像中少藥材味，入面有啲龍眼肉同杞子，還可以，味唔算濃，無飲都唔可惜。再食個糯米飯，飯入面已撈哂醬油，我本人口味就覺得整體好咸，所以都無食哂。但個蛇羹我都係欣賞蛇王熙個種湯頭，我覺得係另一層次嘅享受。所以我呢間都無下次😂