麻辣小聚 (Ladder Dundas)

營業中

休息中

之前一直想試呢間餐廳，今日終於約到朋友一齊試，餐廳環境好舒適，而且空間十足，可以同好朋友食飯傾吓計都好爽😄呢一間麻辣小聚之前一直都有聽過，不過今次真係第一次過嚟食！見到呢度嘅餐牌菜式種類好多😎😎真係好快就叫咗嘢食，流晒口水咁等啦🤣叫咗一個水煮魚，呢個水煮魚就咁睇個賣相就已經覺得好吸引，流晒口水！魚肉嘅份量好多，基本上兩三個人食都一定足夠！而且呢個魚肉好滑！加埋水煮魚嘅麻辣香味，真係好好送飯！另外仲有辣子雞，呢一個辣子雞好吸引，而且非常惹味🤤辣子雞炸到粒粒，好香脆，真係非常香口！咬入口嘅時候依然有麻辣嘅香味！最後出場嘅就係正宗香辣蟹，本身我自己好鍾意食蟹，呢個香辣蟹真係好啱我口味，辣到適中！蟹肉非常鮮甜👍🏻👍🏻值得推介