樂天皇朝薈萃

營業中

休息中

帶Daddy去Airside行吓，見到呢間樂天皇朝薈萃做緊周年優惠，有幾款嘢食分階段都係優惠價$10，而家做緊$10原味小籠包六隻，惠顧滿$100就可以享用，相當吸引。見咁抵我哋去咗食午餐。招牌原味小籠包 $10優惠價呢個$10優惠梗係必要啦，小籠包皮薄餡靚，裏面充滿湯汁，夾起又唔會串，食嘅時候沾上醋同埋夾埋薑絲一齊食好味道。黃橋燒餅 $40燒餅仔細細個要來做小食，好香口，上面嘅芝麻烤得好香，燒餅唔厚一口咬下去好酥，裏面有一啲豬肉餡，幾惹味。糖醋魚片 $108賣相吸引，如片大大件，糖醋汁酸酸甜甜好開胃。雖然叫魚片，但係一啲都唔薄身，炸粉唔厚外脆內軟，魚肉唔會炸到乾晒，而且幾厚肉。雪菜蝦仁炒飯 $98炒飯有好多蝦仁，雖然唔算大隻，但係都唔太細，食落爽口。炒飯粒粒分明，配上一啲蛋同埋雪菜絲，材料雖然簡單，不過好味。