影片
更多
2021-03-03
521 瀏覽
細妹生日諗住請佢食飯佢話東海食物唔差，特意相約到沙田Home square 新開東海薈午餐，一去到見到門口好多優惠但係睇唔明，入到去坐枱與枱之間都無1.5米距離，唔係有限聚令咩😳不過都嚟咗都試吓啦😏安排坐咗喺房間裏面，得五張枱每張枱坐二人都唔算多人，點心紙大部份點心係逐件計，叫咗八樣嘢，流汁小籠包完全冇汁☹️胡椒鹹菜豬肚好韌👎🏿叉燒六件盛惠$68一入口好硬👎🏿蘿蔔絲酥餅夠熱但裏邊啲餡好鹹😣唯一最好食脆皮燒腩仔皮夠脆👍其他都一般，員工衛生意識差，見到隔離張枱個客走咗居然枱布都唔換就入咗另外一枱新客😱有冇搞錯，好想出聲不過都忍住🤭埋單走人，午餐嚟講以食物質素有折扣都要$400 有啲唔值，最後俾完信用卡，個游魂員工拎住我張信用卡，問我係咪埋單😢我同佢講你都拎住我張信用卡啦😂
張貼