宏 (已搬遷) 新店位置

抹茶控又要出動喇，之前聽過朋友提起過呢間，今日剛巧出黎TST，辦完正事就食埋Dinner先返家。開系The One商場入面，裝潢既質素無須質疑，整體潔淨，明亮光鮮，幾舒適。除左一般既定食主菜套餐外，最重點一定系各式各樣既甜品，款式超級多，但呢版抹茶甜品就系重點推介。差唔多次次食親日本野都會食吉列豬扒，炸粉夠薄，黏得住豬扒而唔會皮肉分離，肉都夠厚，肉質okay但稍欠肉汁，整體合格。海澡烏冬都幾有特色，質感夠爽彈而唔會有粉粉既感覺，搭配清甜醬油湯底，味道唔會太搶，清清地唔錯!跟餐仲有個抹茶小蛋卷，單點的話要$15，內到外由抹茶cream/ 抹茶蛋糕/ 抹茶粉所組成，質感鬆軟creamy，抹茶清甜不澀，味道唔太濃，飯後食岩岩好。天氣甘熱飲沙冰一流，抹茶濃度屬中級，味道唔甜，唔會覺得好似飲緊糖水甘，反而更為著重於茶味rather than甜度，減肥人士都不感罪過。為今晚帶黎完美句號，三塊抹茶窩夫加煉奶，窩夫夾心全都系抹茶，茶味濃而香甜，加多少少抹茶雪糕夾黎食，真系超級滿足囉! on side仲有塊香脆既抹茶曲奇同栗子醬。