影片
更多
2023-05-16
290 瀏覽
知道呢間食店好多人搞婚禮，係LCX既最尾尾, 擁有270度大海景，環境靚之餘，野食都好精緻。今日終於有機會黎食佢既晚餐。menu分類仔細，清晰，價錢就中上。侍應都好熱情，幫手拉凳，加水等等。 八味金磚豆腐 - $188平時食開既低階版係7味粉炸豆腐，呢個係高級版，味道豐富啲，又大舊啲啲，豆腐滑不溜手，外面炸皮好簿，而且上面有啲辣椒絲，夾埋一齊食好野味！日本金柚手撕脆皮雞- $238上面係皮到好簿既雞皮，下面收埋咗手撕雞夾同青瓜絲。 雞皮好脆口，油膩比較多，而下面清淡既手撕雞同青瓜夾雜住淡淡柚子清香同酸甜，夾得黎又好balance. 龍眼蜜燒西斑牙黑豚又燒 - $368呢個係我睇完OpenRice超級想試既一味，果然無令我失望。叉燒肥瘦均勻，有少少燶邊更見香口，肉質淋得黎又有彈性，龍眼蜜汁甜而不膩，亦唔會鎖喉，係食過既叉燒中排好高既位置。松茸羊肚菌海膽燴飯 - $368呢個都係想試既一道菜，外表都係打卡一流既，松茸同羊肚菌味道香濃，燴飯好合適香港人，飯唔會太硬，亦唔會太重口味。海膽算新鮮，混入飯中增添左海鮮既咸香。黑金流沙包 - $108係menu上既唯一一個點心，應該係即叫即蒸，所以都
知道呢間食店好多人搞婚禮，係LCX既最尾尾, 擁有270度大海景，環境靚之餘，野食都好精緻。今日終於有機會黎食佢既晚餐。menu分類仔細，清晰，價錢就中上。侍應都好熱情，幫手拉凳，加水等等。
51 瀏覽
0 讚好
0 留言
八味金磚豆腐 - $188
平時食開既低階版係7味粉炸豆腐，呢個係高級版，味道豐富啲，又大舊啲啲，豆腐滑不溜手，外面炸皮好簿，而且上面有啲辣椒絲，夾埋一齊食好野味！
44 瀏覽
0 讚好
0 留言
24 瀏覽
0 讚好
0 留言
日本金柚手撕脆皮雞- $238
上面係皮到好簿既雞皮，下面收埋咗手撕雞夾同青瓜絲。 雞皮好脆口，油膩比較多，而下面清淡既手撕雞同青瓜夾雜住淡淡柚子清香同酸甜，夾得黎又好balance.
32 瀏覽
0 讚好
0 留言
龍眼蜜燒西斑牙黑豚又燒 - $368
呢個係我睇完OpenRice超級想試既一味，果然無令我失望。叉燒肥瘦均勻，有少少燶邊更見香口，肉質淋得黎又有彈性，龍眼蜜汁甜而不膩，亦唔會鎖喉，係食過既叉燒中排好高既位置。
24 瀏覽
0 讚好
0 留言
松茸羊肚菌海膽燴飯 - $368
呢個都係想試既一道菜，外表都係打卡一流既，松茸同羊肚菌味道香濃，燴飯好合適香港人，飯唔會太硬，亦唔會太重口味。海膽算新鮮，混入飯中增添左海鮮既咸香。
14 瀏覽
0 讚好
0 留言
30 瀏覽
0 讚好
0 留言
黑金流沙包 - $108
係menu上既唯一一個點心，應該係即叫即蒸，所以都要少少時間。作係甜點既佢，size細細粒，女仔應該4-5啖就可以ko. 一咬開包就有濃濃既流沙流出黎，咸蛋同吉士味，咸咸甜甜，真係絕配。
茶芥（每位） - $32
呢到都有好多茶揀，我地要左香片，水滾茶靚，齒頰留香，職員仲好努力加水😁
張貼
