和匠日式燒肉店

營業中

休息中

同姊妹聚會，二人相約食日本燒肉，飲下野傾下偈。日式安曇豆腐沙律食燒肉怕熱氣所以我哋先叫咗個沙律食咗先，豆腐好滑好香豆味，日式嘅麻醬配上涼浸浸嘅沙律菜，作為一個開胃前菜，十分合適。牛魔再現店員講解個爐呢系喺日本訂返嚟，燒之前亦都好細心介紹每日本牛肉係點樣燒先最好食。我哋點呢個餐係因為日本牛同美國牛都有齊晒，滿足晒兩種願望。 佢有三款醬汁柚子汁，燒汁同埋麻醬，佢點唔同嘅肉類。 日本嘅和牛入口即溶，美國嘅牛仔有濃濃嘅牛肉味，而且肉質比較有彈性。鹽燒豚腩肉油脂分布平均見到層層嘅脂肪同肉分明，我哋特登燒耐啲鍾意食香脆嘅感覺。黑松露蒜蓉牛油日本帆立貝帆立貝大大隻，一邊笑一邊聞到好香嘅松露味同埋牛油蒜蓉味，食嘅時候我先食晒上面嘅蒜蓉松露醬，之後一口食咗成粒帆立貝，肉質鮮甜，好滿足。櫻花海老元貝炒飯炒飯超級足料，有大量嘅櫻花蝦同埋元貝，炒飯粒粒飯炒得分明，而且唔會有過多嘅油份，炒得乾身又好食。青瓜特飲 芒果特飲梳打飲品，一邊食燒肉一邊飲嘢。