澄居

營業中

休息中

今日嚟到西營盤嘅澄居食飯，今次已經係我哋第二次嚟啦，呢間餐廳主打廚師發板，款式都可以同廚師一齊商量。燒吞拿魚鮫外皮燒得好香脆，肉質夠晒嫩滑，入口一啲都唔會覺得腥，吞拿魚嘅油脂非常之豐富，加上有少少鹹味，非常之鮮美。燒豚肉表面燒得好焦脆，入口非常之有彈性，油脂亦都夠晒豐富。燒雞髀肉雞肉非常之有彈性，肉汁好豐富，肉味都幾香濃。燒白鱔白鱔表皮燒得好香脆，肉質柔軟，魚油都幾豐富，亦都唔會太多骨。烏冬烏冬都幾大碗，仲有鮑魚，鮑魚用上乾鮑，真材實料。整體黎講，今餐都幾抵食，二百幾蚊一個人食到咁高質嘅食物。