68 Cafe

營業中

休息中

午餐時間成日兜兜轉轉都唔知自己想食乜嘢,結果行到去元朗圖書館後面,見到一間裝修都幾有風格嘅餐廳。主要都係一啲港式，同埋西式嘅常餐。咁啱撞正過咗學生嘅午膳時間，所以舖頭入面都仲有好多位。見到menu上面重點推介嘅一個豬扒蛋飯，幾乎人人都會叫。但由於我唔係一個肉食愛好者，所以我就普通常餐算啦。幾鍾意佢呢一種可以自由配搭嘅方式，唔會限死咗你要叫啲乜嘢，適合一啲食嘢食量唔多嘅女仔。等咗唔需要五分鐘，啲嘢食已經嚟齊啦。好老實講味道唔係話特別出眾，畀普通嘅茶餐廳有優勝。因為用咗韓國芝士湯麵，麵條非常之有咬口，湯底都有濃濃嘅芝士辣辣哋嘅味道。雖然係咁，但係見到人哋個個都食緊豬扒蛋飯，都好想試一試。下次有機會要試下68cafe嘅招牌先得。