威利華餐廳

營業中

休息中

已經好耐冇試過放假落街去茶餐廳食早餐， 平時放假一般都瞓到黃朝百晏，或者有時就同老婆去麥當勞食早晨全餐。今次就去番好多年都冇食到嘅威利華餐廳，老婆話嚟咗柴灣住咁多年佢都未食過喎，所以特登帶佢嚟試一試，我自己都好多年冇食過啦，以前喺中學嘅時代我成日都嚟呢度食午飯，估唔到咁多年都冇乜大轉變， 裏面嘅裝修同以前一模一樣。但最估唔到連食物都有保持返以前嘅水準， 同其他大型連鎖餐廳嘅味道完全唔同，係一 貫香港茶餐廳嘅味道，希望香港可以保留多啲傳統及有特色嘅餐廳， 唔好只係得啲大財團嘅連鎖餐廳 ，俾市民多啲選擇。火腿通粉 & 牛油多士煎蛋沙嗲牛麵&茶走