影片
更多
2015-11-27
387 瀏覽
記得焰拉麵剛啟業，我係隔離排緊壽司，當時諗住遲 d 黎試下，點知遲下遲下竟然遲左幾年。幾個年頭都仲可以係元朗立足，證明焰拉麵實力應該有番禁上下，拉麵亦從當年五六十蚊碗，升到差不八十蚊。店內感覺整潔，木枱矮椅汽水箱營造出日式味道。另外有好多細節位都包含左日式料理店有既心思。鋪頭一如傳統拉麵店奉上冰水，男店員都幾細心介紹佢地既 menu 同湯底。聽說佢地既豬骨湯熬足廿幾個鐘，如果女仔食可以選擇薄一點既湯底，以免招架不住。今日我無咩胃口試濃稠豬骨湯，不如就試一試個魚介拉麵（鮮焰），而女朋友就叫左野菌松露（山松焰）。留意如果有 facebook like and share 可以有優惠變套餐，大家可以留意下店內宣傳。首先上枱既係我碗鮮焰，見到上面禁好櫻花蝦心諗都幾著數。第一件事當然就係要呷一呷個湯頭，魚介湯唔似豬骨湯濃而且霸道，入口香醇又帶點鮮，我食到木魚乾香之餘連櫻花蝦既味道都混雜其中，試過幾款魚介湯拉麵暫時以鮮焰獨領風騷。跟住碗麵有一枝魚介醋可以俾大家加落湯底，味道好似酸瓜水咁，開頭諗住怪怪地不過儘管試下，估唔到效果唔錯，湯頭頓時多左一層鮮而且感覺清新。小弟都中意蒜所以落左一粒，湯味更添
店內感覺整潔，木枱矮椅汽水箱營造出日式味道。另外有好多細節位都包含左日式料理店有既心思。
鋪頭一如傳統拉麵店奉上冰水，男店員都幾細心介紹佢地既 menu 同湯底。聽說佢地既豬骨湯熬足廿幾個鐘，如果女仔食可以選擇薄一點既湯底，以免招架不住。今日我無咩胃口試濃稠豬骨湯，不如就試一試個魚介拉麵（鮮焰），而女朋友就叫左野菌松露（山松焰）。留意如果有 facebook like and share 可以有優惠變套餐，大家可以留意下店內宣傳。
首先上枱既係我碗鮮焰，見到上面禁好櫻花蝦心諗都幾著數。第一件事當然就係要呷一呷個湯頭，魚介湯唔似豬骨湯濃而且霸道，入口香醇又帶點鮮，我食到木魚乾香之餘連櫻花蝦既味道都混雜其中，試過幾款魚介湯拉麵暫時以鮮焰獨領風騷。跟住碗麵有一枝魚介醋可以俾大家加落湯底，味道好似酸瓜水咁，開頭諗住怪怪地不過儘管試下，估唔到效果唔錯，湯頭頓時多左一層鮮而且感覺清新。小弟都中意蒜所以落左一粒，湯味更添 power, 微微蒜辛味為碗湯再加左一個層次。
每碗麵本身跟左木耳、荀、蔥等，唔要的話記住事先揚聲。叉燒本身有兩塊，實在有 d 唔滿足，味道唔錯又帶點肥，可算甘香，如果有厚切就正喇。
拉麵屬幼身，雖然我叫左要硬身 d，不過影完相飲完湯，突然先醒起我 d 麵，當然比預期無禁好咬好。我個人喜愛粗身麵條，貪佢夾起黎夠豪爽，掛湯能力又強，又估唔到呢度既幼身麵都幾掛湯。
鮮焰
$78
18 瀏覽
0 讚好
0 留言
女朋友點既山松焰有超級松露香，黑色果堆係野箘，湯飲到好香松露味道，應該係松露油。呢個豬骨湯要左薄身少少，拿掐得好，易入口而味道保留到一定程度，女士應該幾中意。
叉燒轉換成豬軟骨竟然變左三大舊，鬆軟入味，份量十足。
山松焰配豬軟骨
$78
23 瀏覽
0 讚好
0 留言
一分錢一分貨，我相信以焰拉麵既質素，要霸佔一席位絕非難事，喜愛拉麵既朋友不妨一試。
張貼
