影片
更多
2020-05-24
5806 瀏覽
元朗有幾間專門食Omakase 嘅舖頭，今次就試下最早期係元朗開幕嘅”寿司の神”👨🏻🍳Omakase最特別嘅地方就係成個過程好有神秘感，因為師傅會揀每日最新鮮嘅食材比你食，所以每次去到你都會食到唔同嘅食物嫁！但係Omakase價錢偏貴，所以如果大家心郁郁想試下，但又唔想食得咁貴，咁午市Omakase就係一個兩全其美嘅選擇🌟今次去食寿司の神，如果想坐吧枱嘅話大概要提早兩個星期預約，因為店舖面積唔大，吧枱嘅位置只可以坐到八個人嫁咋🤭所以想欣賞廚師嘅廚藝，記得要提早預約啊！今次黎到，就揀左佢地午市Omakase嘅full set！**********<廚師發辦> $500<餐前小食>落完order之後，師傅就開始處理食材，首先係餐前小食有三文魚鼻骨，呢塊薄薄嘅漬物味道微酸，十分脆口，仲好開胃！如果想食多啲嘅話，可以問師傅再添食嫁！**********<前菜>前菜有三樣，包括有沙律菜、麻醬菠菜、茶碗蒸，茶碗蒸蒸得好滑，食落完全唔老🤤另外仲加左黑松露醬，令到個蒸蛋提升左一個層次！**********<刺身4品>師傅十分細心，會逐一
Omakase最特別嘅地方就係成個過程好有神秘感，因為師傅會揀每日最新鮮嘅食材比你食，所以每次去到你都會食到唔同嘅食物嫁！但係Omakase價錢偏貴，所以如果大家心郁郁想試下，但又唔想食得咁貴，咁午市Omakase就係一個兩全其美嘅選擇🌟
今次去食寿司の神，如果想坐吧枱嘅話大概要提早兩個星期預約，因為店舖面積唔大，吧枱嘅位置只可以坐到八個人嫁咋🤭所以想欣賞廚師嘅廚藝，記得要提早預約啊！今次黎到，就揀左佢地午市Omakase嘅full set！
**********
<廚師發辦> $500
<餐前小食>
落完order之後，師傅就開始處理食材，首先係餐前小食有三文魚鼻骨，呢塊薄薄嘅漬物味道微酸，十分脆口，仲好開胃！如果想食多啲嘅話，可以問師傅再添食嫁！
三文魚鼻骨
137 瀏覽
1 讚好
0 留言
**********
<前菜>
前菜有三樣，包括有沙律菜、麻醬菠菜、茶碗蒸，茶碗蒸蒸得好滑，食落完全唔老🤤另外仲加左黑松露醬，令到個蒸蛋提升左一個層次！
茶碗蒸
116 瀏覽
0 讚好
0 留言
**********
<刺身4品>
師傅十分細心，會逐一介紹每樣刺身，推介由淡味食到濃味嫁！
1️⃣赤貝 － 個size巨大，食落爽脆無腥味，師傅處理嘅時候，輕輕一撻，赤貝即刻微微捲起，證明係好新鮮😌
2️⃣海膽魷魚 － 海膽味道甘甜，同魷魚撈埋一齊食，將魷魚嘅鮮味提升，呢個撈飯嘅話絕對一流🤣
3️⃣間八 － 終於食到魚類刺身，間白魚味道偏淡爽口，比較清新，放係第一道食非常適合😋
4️⃣深海池魚 － 油分十足，魚味好濃，油脂充滿整個口腔但又唔覺得肥膩！呢個係四款刺身裏面，個人覺得最好食嘅一款🤩
刺身4品
119 瀏覽
0 讚好
0 留言
**********
<壽司7貫>
食完刺身，終於到主角啦！同刺身一樣，壽司都係會由淡食到濃味，師傅會因應每個人嘅進食速度而調節上菜速度，好細心嫁！
1️⃣帶子 － 新鮮帶子配上柚子皮同岩鹽，帶出左帶子本身嘅鮮甜，不錯不錯🤔
2️⃣天使蝦 － 蝦肉非常彈牙，但味道較淡，所以師傅用左三粒三文魚子作襯托，又唔會蓋過蝦嘅味道🤤
3️⃣鰤魚(油甘魚) － 魚味濃，食落感覺好肥美！平時食油甘魚會覺得有陣血腥味，呢個完全無喎🤭
4️⃣松葉蟹 － 大量蟹肉配上酸汁啫喱，但呢個覺得食落有啲偏酸，可能師傅加得多左少少😂
5️⃣中拖羅 － 相信呢個唔洗都點介紹，油脂比例恰到好處，唔會食到有筋嫁🤪
6️⃣燒右口魚邊 － 覺得呢舊係全個set最好食嘅壽司，師傅以炙燒嘅方法將魚油迫曬出黎，再用紫菜包著，確保唔會散開，一啖咬落去，啲魚油充滿整個口腔，真係超級好食😍
7️⃣甜蝦 － 蝦嘅size比我地出面食到嘅大一倍有多，加上濃濃嘅蝦膏醬汁，感覺就好似食左好多隻甜蝦落肚咁😚
帶子壽司
85 瀏覽
0 讚好
0 留言
天使蝦壽司
87 瀏覽
0 讚好
0 留言
鰤魚壽司
68 瀏覽
0 讚好
0 留言
松葉蟹壽司
62 瀏覽
0 讚好
0 留言
中拖羅壽司
40 瀏覽
0 讚好
0 留言
燒右口魚邊壽司
46 瀏覽
0 讚好
0 留言
甜蝦壽司
52 瀏覽
0 讚好
0 留言
**********
<料理1品>
汁煮鰤魚鮫 － 就咁睇落去以為好“鞋”口，點知食落去好淋，味道甜甜地，有部份將佢夾碎左，令啲魚肉吸囇啲汁，竟然都好好食啊！
汁煮鰤魚鮫
38 瀏覽
0 讚好
0 留言
**********
<迷你三色丼>
食到依個丼嘅時候已經覺得有啲飽，三色丼材料係用可以撈飯嘅食材為主，有三文魚子、海膽同埋呑拿魚蓉，三色丼同樣好出色，魚子同海膽都好鮮甜，而呑拿魚蓉用黎撈飯真係無得彈😆
迷你三色丼
41 瀏覽
0 讚好
0 留言
張貼
