大飯糖甜品小食屋 (已搬遷) 新店位置

洪水橋屬於元朗區，相比元朗市中心的人流旺盛，洪水橋則偏向民風樸素，人煙並不稠密，但在這裡，卻隱藏了一間長期座無虛席的甜品店，晚飯過後光顧必須要等位，識食之人早已靜靜湧至，也不常聽到有廣告，靠的是真材實料，食客 有口皆碑，在朋友間廣泛流傳。今天和朋友試了：1，芒果爺爺（甜心爺爺系列）此店名物，朋友每次到訪，必點此甜品，此無他，性價比高也。大堆頭甜美芒果粒 + 3.6超濃幼滑軟雪糕 + 鮮椰皇果凍，不單單有賣相，有味道，而且如果一位女士吃的話，絕對可以足夠當係二人份量。2，超級三兄弟心太軟 + 朱古力奶凍 + 朱古力軟雪糕又係一份大堆頭出品，心太軟是即叫即焗，真濃朱古力，亦真能夠做到流心效果（坊間其他真係有些甜品店，連呢部份都未合格）但大飯糖係交足料，愛好濃厚朱古力朋友不容錯過。3，咖哩併盤由於晚上約左其他朋友食飯，所以隨便叫個細併盤（本來想試埋馳名咖哩魷魚）今次呢個盤盤有：魚蛋/豬皮/蘿蔔/腸仔 ，地道小食店的配搭，味道不遜於日常在街外小食店的。