影片
更多
2015-05-01
487 瀏覽
要知道元朗好食既野一係老字號好舊唔多好坐，好坐少少既都超級多人而且好嘈。泊車個陣發現開左間新餐廳叫阿茶茶館，門面好靚見到已經覺得好吸引（港女心態），同朋友睇下個menu都okay就入去試下。我地8點左右到，可能閒日，唔洗等位，正 環境係木味既Coffee Shop，有咖啡同All Day Breakfast食，會FF水吧有個靚仔咖啡師拉花個D呢........ 落地玻璃，廚房個幅牆係手繪架（畫得好靚）我諗日頭會仲靚。嗌左兩個Set，羊架同雞排。跟餐湯 + 飲品。不過我地自己帶左酒就冇嗌飲品。個湯好濃，唔係淡茂茂個隻！呢樣好緊要呀！好足料好多菜但可惜我唔食個D菜既...... 餐包唔知是咪自家焗既，係我未見過既包種 （見識少），白色長方形，個樣有D似饅頭。好Suprise個包是好鬆軟的，唔係好重麵粉味。仲有個 Waiter 哥哥夾落你隻碟邊，唔係平時一個竹籃就咁上。煙三文魚沙律。菜好新鮮不過有多D汁會更好菠菜芝士焗雞扒。雞扒好滑，口感其實唔係好似雞，唔識形容哈哈哈。 羊架。有三件，唔SO，面頭D乾蒜好香。睇落以為好少點知食落好飽哈哈！最驚喜係個球蕃薯蓉！好好食！ 好少食西餐有蕃薯
環境係木味既Coffee Shop，有咖啡同All Day Breakfast食，會FF水吧有個靚仔咖啡師拉花個D呢........ 落地玻璃，廚房個幅牆係手繪架（畫得好靚）我諗日頭會仲靚。
嗌左兩個Set，羊架同雞排。跟餐湯 + 飲品。不過我地自己帶左酒就冇嗌飲品。
個湯好濃，唔係淡茂茂個隻！呢樣好緊要呀！好足料好多菜但可惜我唔食個D菜既...... 餐包唔知是咪自家焗既，係我未見過既包種 （見識少），白色長方形，個樣有D似饅頭。好Suprise個包是好鬆軟的，唔係好重麵粉味。仲有個 Waiter 哥哥夾落你隻碟邊，唔係平時一個竹籃就咁上。
煙三文魚沙律。菜好新鮮不過有多D汁會更好
菠菜芝士焗雞扒。雞扒好滑，口感其實唔係好似雞，唔識形容哈哈哈。
羊架。有三件，唔SO，面頭D乾蒜好香。睇落以為好少點知食落好飽哈哈！最驚喜係個球蕃薯蓉！好好食！ 好少食西餐有蕃薯蓉，多數都係飯/ 麵/ 薯菜，平時薯菜多數都好似垃圾伴碟，食OUTBXXK係有蕃薯但成舊上硬掘掘。呢個拌碟我勁欣賞，因為唔似垃圾或者重用既蔬菜，不過個D菜有汁會好D，係乾左少少既。
跟餐嗌左個Banana Honey Crepe。不願上鏡的朋友 最欣賞佢D香蕉厚切，唔係薄過紙個D蕉片冇黎蕉味！如果唔係蜜糖係朱古力我諗我更愛 同埋Crepe是即叫即做的，上碟時仲有溫度架，所以Pat Cream好快溶...............
總括黎講我同朋友都好滿意，環境食物各方面都above average同比到驚喜我地。個環境好舒服好適合傾計食飯搞到我地都冇乜點影相，最緊要係價錢唔算貴，下次想試埋咖啡同All Day Breakfast做偽文青
題外話/補充資料：
值得一提既係我好驚食西餐太有情調黑蚊蚊，愈食愈眼訓！呢間阿茶茶館又冇呢個Bad Feeling渦！
(以上食評乃用戶個人意見 , 並不代表OpenRice之觀點。)
張貼
