麻辣Doi (已結業)

見天氣開始冇咁熱想食下辣野😋，雞地新開左一間食麻辣同酸菜魚嘅餐廳就即刻去試吓，舖頭光猛舒服，入到去一坐低店員好細心介紹餐牌俾我哋有大盆水煮、麻辣鍋同埋烤魚，三樣見到都好想食😂最後叫咗麻辣水煮魚，佢烤魚同埋麻辣水煮魚都係鱸魚丫想食冇骨同食滑啲嘅魚片所以揀咗水煮之後再加多左兩個配菜，豬紅同黑豚肉可以跟飯，薯粉或者米線，本身個水煮魚已經有薯粉底因為太鍾意食薯粉所以都係叫多一個薯粉落單一陣好快就熱辣辣上枱鱸魚好滑，魚片份量都多，除咗我哋額外加咗兩個配菜之外，本身入邊都有大豆芽，冬菇片同埋豆腐卜叫咗小辣，個辣到啱啱好夠晒大盤😋兩個人都差啲食唔晒😜本來仲想嗌多個小食，但食完都已經好飽唯有下次試埋其他😋。