影片
更多
2021-11-09
1365 瀏覽
之前元朗經過已經留意到呢一間新開嘅cafe，門口喺好復古嘅綠色裝修，經過都見到唔少人係度邊排隊邊打卡。今個星期日終於的起心肝去 Try try。 原來呢間cafe 下午茶時段主打英式下午茶二人餐, 仲要限量供應，好多人未夠3點已經喺出邊門口排隊。好彩有book枱，一夠3點侍應就已經安排book枱既客人入座。 入到去入面裝修都好靚，空間感好強，即使有好幾盞吊燈都好都唔會有壓迫感，而且牆邊仲有好多好靚既裝飾，無論坐邊都好，每一個角落都好適合影相。除此之外，座位都好闊落，好舒適，好適合同朋友一齊嚟食野傾下計，影下相，悠悠閒閒過一個下午。 坐低睇個menu,除左有佢個signature ge high tea set 之外，原來仲有好多其他選擇，好似特式熱狗呀，意粉咁，啱哂唔同胃口嘅客人，而我同朋友就俾佢另外一個限量嘅Me Time Set吸引，忍唔住叫埋佢。 *英式二人下午茶☕️ $208*下午茶餐好有驚喜，個set會有一壺花茶, 原本以為只是普通嘅一壺茶咁上，但係呢一間餐廳就用左一個好靚好fancy嘅雀籠茶架，d用既杯碟同都係match返張餐枱都係嘅雲石紋，個茶壺仲要係透明，可以睇到入邊既
入到去入面裝修都好靚，空間感好強，即使有好幾盞吊燈都好都唔會有壓迫感，而且牆邊仲有好多好靚既裝飾，無論坐邊都好，每一個角落都好適合影相。除此之外，座位都好闊落，好舒適，好適合同朋友一齊嚟食野傾下計，影下相，悠悠閒閒過一個下午。
坐低睇個menu,除左有佢個signature ge high tea set 之外，原來仲有好多其他選擇，好似特式熱狗呀，意粉咁，啱哂唔同胃口嘅客人，而我同朋友就俾佢另外一個限量嘅Me Time Set吸引，忍唔住叫埋佢。
*英式二人下午茶☕️ $208*
下午茶餐好有驚喜，個set會有一壺花茶, 原本以為只是普通嘅一壺茶咁上，但係呢一間餐廳就用左一個好靚好fancy嘅雀籠茶架，d用既杯碟同都係match返張餐枱都係嘅雲石紋，個茶壺仲要係透明，可以睇到入邊既花茶好足料，有滿滿嘅花粒，而且由上枱開始就已經用蠟燭warm 住個壺，唔怕因為傾計耐左，杯茶攤到凍哂，係一個非常貼心嘅設計。
上完壺茶未影完相，野食就已經到左，係個standard 嘅三層tea set, 有四款咸點五款甜點
甜品方面不過不失啦，係唔同口味嘅 cake ,勝在每款細細，一啖入口，啱哂想試唔同味但係又怕食唔哂嘅朋友。
至於下午咸點方面，水準唔錯，尤其是係個雞翼薯條，個雞翼係有少少麻辣味，但係又未至於非常辣啦，炸得又好脆好香口，仲要起咗啲骨，食起上黎好方便，啲薯條係比較粗身，同樣都係即炸，食落外脆內軟，食完超想encore 呀！
*Me Time Set $52*
呢個set會有一件蛋糕連埋一杯signature drink。蛋糕方面每日都有3至4款唔同嘅選擇，而每款都係限量供應，而飲品可以係signature coffee 或者係佢signature drink.
今次我地就揀左個*伯爵茶芝士蛋糕*配個signature drink *火燒雲霞*，聽個名唔知咩呢，但係其實menu 都有寫到其實係火龍果特飲。
味道方面，蛋糕外表就好平實，但食落好重芝士味，絕對感受到冇偷工減料，個餅底都有陣淡淡伯爵茶香，配搭上嚟中和左芝士濃味，食落無咁溜，值得一試。
杯野飲就好靚呀，有漸變色，仲有果肉，未飲齋睇心情都靚呀，飲落唔太甜，好refreshing。
總括來講，呢間cafe 水準唔錯，性價比非常高。如果係喺元朗行完街，好推介過去坐低吹下水，過返個寫意嘅下午。
張貼
