Gathering (已結業)

約左朋友係元朗食飯, 呢間餐廳係之前行過見到的, 今日就去試試佢~ 餐廳位置比較偏僻, 但其實輕鐵站行過去都吾算太遠.入到去由於無乜人關係, 環境好寧靜, 可以比我地舒舒服服咁享受晚餐, 服務員遞左餐牌比我地, 原本想揀烤西班牙乳豬, 但服務員同我地講佢地吾會再出了, 只係會有全隻乳豬.咁我地分別嗌左: 脆炸德國咸豬手, 蟹肉意大利粉, 炸魷魚圈, 雜果賓治, 香橙雜飲, 嗌主菜可以+$28轉SET.- 脆炸德國咸豬手: 店員特別推介, 豬手首先慢煮後再炸, 慢煮可以鎖住肉汁, 令肉質軟滑, 再將豬手皮炸脆, 真正做到外脆內軟, 咁嘅價錢食到咁嘅質素真係超值. 就咁食豬手可能會有D膩, 但同埋下面配菜一齊食可以解膩, 口味仲好夾, 我自己都真心推介!- 蟹肉意大利粉: 意粉軟硬適中, 食落好濃蟹肉味無腥味, 感覺好足料!- 炸魷魚圈: 一般都係將魷魚切成圈就咁拎去炸, 出到嚟可能會好難先咬得開, 但呢個魷魚圈係將魷魚攪碎後再拎去炸, 容易入口得嚟又保留返魷魚鮮味, 真係好好食~總括嚟講呢間舖係絕對可以再去食, 食物, 環境, 服務都吾錯, 真心覺得大家可以一試~