名川麵棧 (已結業)

點左兩款「自選兩餸湯麵」，分別係「花膠仔秘製日式豬軟骨紫菜濃骨湯日本手打烏冬」同埋「菜肉餃子炸雞翼酸辣湯米線」。呢度嘅「自選兩餸湯麵」餸款式選擇多，有超過60款餸揀！實有款啱你！「花膠仔秘製日式豬軟骨紫菜濃骨湯日本手打烏冬」估唔到有花膠食啊！雖然個名叫花膠「仔」，但係超大塊，😍女士必吃！秘製日式豬軟骨同樣大塊，煮得夠腍又入味，最特別係有少少肥膏，口感豐富～紫菜大大塊，好香。烏冬口感煙韌滑溜。「菜肉餃子炸雞翼酸辣湯米線」唔知點解硬係覺得米線要辣辣地先好食，於是嗌左酸辣湯，唔會太辣，酸酸辣辣好開胃，口水都流埋～🤤 配菜都好好味。配菜有甜酸菜、木耳絲同肉碎。芽菜、甜酸菜同木耳爽脆，搭配相對較腍身嘅米線同吃，口感獨特。菜肉餃子皮好滑又薄。炸雞翼炸粉唔會太厚，食落酥脆香口。米線唔會太腍，啱啱好。呢度d特飲都幾吸引。我同朋友都各自加左$8轉特飲。我地想飲紅豆冰，見另外有紅豆涼粉奶茶，但我地又唔鍾意飲奶茶，問下侍應可否轉做紅豆涼粉冰，侍應好好人幫我地轉左！太好人啦！👍🏻紅豆涼粉冰份量超足，多到就滿瀉！涼粉細細粒好cute。