影片
更多
2020-02-15
2682 瀏覽
過年前去左元朗同朋友食團年飯，大家都唔知食咩好，我就建議嚟緣聚，因為咩都有得食，一定啱大家口味！無嚟一排，落單轉左用掃qr code再用電話落單，同出面d新型放題好似，睇啱邊樣㩒邊樣，又方便跟單，好方便！呢度食物選擇都幾多，生既熟既都有，連沙律吧都幾大，又多選擇，旁邊既飲品櫃選擇都好多，有啤酒，汽水，果汁等同樣選擇多到飲唔晒！落完單拎完飲品，魚生就已經送到檯上，賣相唔錯，睇落都幾新鮮，尤以帶子，三文魚，鮑片，吞拿魚味道甜美，劍魚片就真係好嫩滑同鮮甜，心得我心！跟住仲有好快送到既壽司，大大件花之戀，鮮味十足赤貝壽司，仲有非常惹味黑松露三文魚壽司，鮮甜外，仲帶點黑松露香味！ 都是十分推介的！燒得幾香既大大條 熱辣辣秋刀魚，灑上檸汁闢一下魚腥味就可以食了！比較驚喜既清酒煮蜆，除左有陣陣清酒香味外，蜆肉鮮甜又無沙係值得讚，如果蜆肉再肥美d就更好！呢度要數最抵食莫過於燒羊架，大大條羊架任您點，食多兩條都抵返，配上自家甜甜辣辣燒汁既羊架，肉汁豐富，啖啖肉，一咬就離骨，我就食左3條，真係抵返晒！其他炒物都好快送到，以任食嚟講算是不錯，而且份量也適中，圖中幾樣都炒得幾有鑊氣，值得推介！要特別介紹瑞士汁
無嚟一排，落單轉左用掃qr code再用電話落單，同出面d新型放題好似，睇啱邊樣㩒邊樣，又方便跟單，好方便！
呢度食物選擇都幾多，生既熟既都有，連沙律吧都幾大，又多選擇，旁邊既飲品櫃選擇都好多，有啤酒，汽水，果汁等同樣選擇多到飲唔晒！
落完單拎完飲品，魚生就已經送到檯上，賣相唔錯，睇落都幾新鮮，尤以帶子，三文魚，鮑片，吞拿魚味道甜美，劍魚片就真係好嫩滑同鮮甜，心得我心！
跟住仲有好快送到既壽司，大大件花之戀，鮮味十足赤貝壽司，仲有非常惹味黑松露三文魚壽司，鮮甜外，仲帶點黑松露香味！ 都是十分推介的！
燒得幾香既大大條 熱辣辣秋刀魚，灑上檸汁闢一下魚腥味就可以食了！
比較驚喜既清酒煮蜆，除左有陣陣清酒香味外，蜆肉鮮甜又無沙係值得讚，如果蜆肉再肥美d就更好！
呢度要數最抵食莫過於燒羊架，大大條羊架任您點，食多兩條都抵返，配上自家甜甜辣辣燒汁既羊架，肉汁豐富，啖啖肉，一咬就離骨，我就食左3條，真係抵返晒！
其他炒物都好快送到，以任食嚟講算是不錯，而且份量也適中，圖中幾樣都炒得幾有鑊氣，值得推介！
要特別介紹瑞士汁雞翼，做得幾入味，唔會太甜，雞翼一咬就離骨，唔會煮到爛，大家都叫多左幾轉食！
最後仲有推介任食燒蠔，蠔既質素都算新鮮同肥美，燒完出嚟都唔會縮水縮到食唔到，而且一咬就爆晒汁，有蒜蓉同芝士味選擇，我哋就比較喜歡蒜味！
最後要讚佢有種類繁多既甜品選擇，豆腐花，布丁，奶凍，啫喱呢d全部都揾到，仲有軟雪糕，韓國雪條，亞波羅，牛奶公司雪條等。。。真係多到唔知點揀。。。所以話呢度既放題選擇多又抵係一d都無錯！
張貼
