好棧 (已結業)

雖然店舖內裝修不如大集團連鎖店般精緻，但正因為咁俾到人親民嘅感覺，而收費亦都唔高。呢度嘅選擇好多，最推介係佢嘅芝士雞扒麵，芝士汁十分香濃，再加埋有辣味令佢好適合用嚟配麵食。雞扒十分嫩滑，表皮好脆好香口，而雞扒可以轉做其他肉類，所以唔食雞嘅人都可以有另一個選擇。心目中呢度另一樣唔錯嘅選擇係蕃茄牛肉通粉，同平時街外食嘅唔同，佢蕃茄味好濃郁，好開胃。而有一樣想推介嘅飯類係咖哩吉列豬排飯，吉列豬排調味適中，炸粉唔會過厚，配埋咖哩汁配飯好快食曬。